اتوار، 30 نومبر، 2025ء
معروف اسلامی درسگاہ
جامعہ فاروقیہ کا سنگ بنیاد 17 صفرالمظفر 1394ہجری بمطابق12مارچ1974 کو توکل علی اللہ واخلاص کے سرمایہ سے سرشاراستاذ العلماء شیخ الحدیث حضرت مولانا محمدعالم صاحب رحمۃ اللہ علیہ نے استاذ العلماء شیخ الحدیث مولانا محمدادریس کاندھلوی رحمۃ اللہ علیہ کے مشورہ سے شہر کے چند مخلص احباب کے تعاون سے حافظ الحدیث والقرآن مولانا عبداللہ درخواستی رحمۃ اللہ علیہ کے بابرکت ہاتھوں سے رکھوایا۔
مزید جانیں
اعدادوشمار
طلبہ کے لئے جامعہ کی طرف سے سہولیات
طعام
جامعہ میں قیام پذیر تمام طلبہ کے کھانے کی کفالت جامعہ کررہا ہے جامعہ کے مطبخ مین تین طباخ باقاعدہ طور پر خدمات سرانجام دےرہے ہیں ۔جبکہ طالبات کے لیے بھی تین طباخ اپنی خدمات سرانجام دے رہے ہیں۔
قیام
طلبہ کے قیام کے لیے کمروں کی فراہمی کا بندوبست ہے لیکن انہی کمروں کو اسباق کے اوقات میں درسگاہ اور اس کے علاوہ رہائش گاہ کے طور پر استعمال کیا جاتا ہے جوکہ عمارت کی قلت کا منہ بولتا ثبوت ہے۔
فراہمی کتب
شعبہ درس نظامی وشعبہ تجویدوقرآت مین پڑھائی جانے والی کتب کا کفیل بھی جامعہ ہی ہے
ڈسپنسری /مطب
طلباء کے لیے ابتدائی طبی امداد کے لیے باقاعدہ ڈسپنسری موجود ہے جبکہ جامعہ کے مہتمم صاحب اوردیگر کئی اساتذہ باقاعدہ یونانی حکمت کے سند یافتہ حکیم ہونے کی وجہ سے دیسی طریقہ علاج سے طلباء کی صحت یابی کے لیے سرگرم رہتے ہیں۔
جامعہ کی ذیلی شاخوں کا اجمالی تعارف
جامعہ بنات الاسلام فاروقیہ ہاؤسنگ کالونی شیخوپورہ میں ایک قطعہ زمین جوکہ چارکنال نو مرلہ پر مشتمل ہے مسجد کے لیے چھوڑا گیا تھا جامعہ نے1985 میں دولاکھ دس ہزار ایک سو روپیہ ادا کرکے گورنمنٹ پاکستان سے خریدلیااب وہاں ایک عظیم الشان جامع مسجد طوبی تعمیر ہے ۔اور اس کے ساتھ طالبات کے لیے جامعہ بنات الاسلام فاروقیہ کے نام سے تقریبا ساڑہے تین صد طالبات کی دینی و عصری تعلیم کا شاندار کیمپس ہے دینی تعلیم وفاق المدارس العربیہ کے تحت شھادۃ العالمیہ تک ہے عصریہ تعلیم بی اے اور کمپیوٹر کورسزہیں